Beidh an Feachtas dírithe ar chomhairle a chur ar thuismitheoirí maidir leis na buntáistí a bhaineann le Gaeilge a úsáid mar theanga an bhaile. Cuirfear tacaíocht ar fáil do na tuismitheoirí sin dá réir – is é sin tuismitheoirí ón nGaeltacht ag a bhfuil páistí idir 0 agus 5 bliana d’aois, mar aon le tuismitheoirí atá ag súil le leanbh.

Cuimhnigh ar na Nithe Seo

 

Duine iontach ar leith is ea do pháiste.

 

Fásann agus forbraíonn gach páiste ag a luas féin.

 

Bíodh plean agat, ach déan an rud is nádúrtha duit féin agus don teaghlach ó thaobh cén uair agus conas a mbainfear úsáid as na teangacha éagsúla.

 

Ní mholtar brú a chur ar pháiste le focail nua nó abairtí nua a rá, ná brú a chur orthu a bheith ag gaiscíocht faoi fhocail nua, mura bhfuil siad féin ag iarraidh iad a fhoghlaim: lig dóibh iad a rá ina n-am féin.

 

Tabhair bronntanas don pháiste as ucht an dá theanga a úsáid.