Beidh an Feachtas dírithe ar chomhairle a chur ar thuismitheoirí maidir leis na buntáistí a bhaineann le Gaeilge a úsáid mar theanga an bhaile. Cuirfear tacaíocht ar fáil do na tuismitheoirí sin dá réir – is é sin tuismitheoirí ón nGaeltacht ag a bhfuil páistí idir 0 agus 5 bliana d’aois, mar aon le tuismitheoirí atá ag súil le leanbh.

 

An té atá dátheangach, tá sé/sí ábalta dhá theanga a labhairt go furasta nádúrtha!

 

 

• Tiocfaidh an dátheangachas go nádúrtha le do pháiste – má thosaíonn tú go luath!

 

• Cuideoidh an dátheangachas le forbairt intinne do pháiste.

 

• Tá deiseanna fostaíochta níos fearr ar fáil do dhaoine atá dátheangach.

 

• Méadaíonn an dátheangachas féin-mheas an pháiste.

 

• De thairbhe a bheith dátheangach, beidh sé níos fusa ag do pháiste an tríú agus an ceathrú teanga a fhoghlaim amach anseo.

 

• Cuideoidh an dátheangachas le do pháiste tuiscint agus meas a bheith aige/aici ar dhaoine ó chultúir agus ó chiníocha eile a labhraíonn teangacha difriúla.

 

• Osclaíonn an dátheangachas doirse chuig cairde agus eispéiris úrnua ar fud an domhain.

 

• De thairbhe a bheith dátheangach, is féidir le páistí a bheith níos bródúla as a gcultúr féin le cois go mbeidh dáimh níos láidre acu leis.

 

 

Gheofar eispéireas ar leith as a bheith ag tógáil páistí go dátheangach.