Beidh an Feachtas dírithe ar chomhairle a chur ar thuismitheoirí maidir leis na buntáistí a bhaineann le Gaeilge a úsáid mar theanga an bhaile. Cuirfear tacaíocht ar fáil do na tuismitheoirí sin dá réir – is é sin tuismitheoirí ón nGaeltacht ag a bhfuil páistí idir 0 agus 5 bliana d’aois, mar aon le tuismitheoirí atá ag súil le leanbh.

 

Is féidir leat bronntanas iontach speisialta a thabhairt do do pháiste! Tá muidne thar a bheith ádhúil a bheith inár gcónaí in áit inar féidir le páistí fás suas agus iad ábalta Gaeilge agus Béarla a labhairt go líofa. Bronnann sé seo tuilleadh saibhris ar a saol agus cuireann sé buntáistí ar fáil dóibh le linn dóibh a bheith ag fás.

 

Foghlaimíonn páistí óga teangacha go han-éasca. Súnn siad suas iad mar a bheadh spúinsí ann, go háirithe má fhaigheann siad spreagadh óna dtuismitheoirí.

 

A bhuíochas do Ghaeilge a thabhairt dár bpáistí ón uair a thagann siad ar an saol, táimid ag tabhairt buntáistí dóibh a mhairfidh i rith a saoil. Fiú mura bhfuil muid féin mar thuismitheoirí líofa go leor le Gaeilge a labhairt sa bhaile i gcónaí, is féidir linn mar sin féin, cuidiú go mór lenár bpáistí trína bheith ag caint Gaeilge leo go rialta.