Tá na buntáistí seo a leanas ag páistí a labhraíonn dhá theanga:
Scileanna machnaimh: tá daoine atá dátheangach ábalta smaoineamh go solúbtha agus go cruthaitheach
Buntáistí eacnamaíocha: tá níos mó deiseanna fostaíochta ar fáil dóibh go háitiúil agus níos faide ar shiúl
Scileanna cumarsáide: tá daoine atá dátheangach in inmhe cumarsáid a dhéanamh le níos mó daoine (an-tábhachtach más cainteoirí Gaeilge iad gaolta níos sine)
Féin-mheas:má tá duine líofa in dhá theanga, tá sé i bhfad níos fusa an tríú teanga a fhoghlaim!
Saibhreas cultúrtha: má tá dhá theanga ar do thoil agat, tá fáil agat ar oidhreacht, ar litríocht agus ar cheol na dteangacha sin ón “taobh istigh”
Dá mhéad atá ar eolas acu, is amhlaidh is mó a thig leo a fhoghlaim. Tabhair seans do do pháiste Gaeilge a fhoghlaim ón gCéad Lá, rud a chuideoidh leo a n-inchinn a fhorbairt, a chothóidh féinmhuinín agus scileanna níos fearr iontu i mbun réiteach fadhbanna agus a bhronnfaidh orthu tuiscint níos fearr ar chultúr na hÉireann, chomh maith le féidearthachtaí fostaíochta níos fearr!
Is fiú an tairbhe an trioblóid!
